Love Shayari

Ads

Jan 25, 2019

Sad Story | दुखद कहानी Very Emotional

Aaj ke mahaul me ladkiyon ke sath kitna galat ho rha hai ye sad story aesi hi ek kahani par aadharit hai,ye kahani ek aisi ladki ke baare me hai jise ek ladka kai deeno se blackmail kar rha tha agar vo sab kuch un ankal ko bta deti to shayad uske sath aisa na hota.

Sad Story | दुखद कहानी Very Emotional

 sad story

Ek aadami jiska naam mohan tha,jo dekhne me ek sadarn vyakti tha aur jiski umra lagbhag 40 saal ke aap-pass thi.Ek din vo road par khada hua tha,usne dekha ki road ke uss par ek ladki khadi thi,jo kaafi chintit nazar aa rhi thi jo umra me mohan ki beti jaisi hogi,mohan ne socha kyo na isse pucha jaye ki ye itni pareshan kyu hai lekin mohan ko himmat nhi ho rhi thi ,vo himmat juta ke uss ladki ke pass gya aur usse pucha ki beti tum itni pareshan kyu ho,kya tumhe koi takliph hai,tumhara naam kya hai aur tum kahan rahti ho to uss ladki ne koi jawab nhi diya fir mohan ne dubara pucha to vo boli ki aapko kya karna hai ye sunkar mohan waha se chala gya.

Lekin mohan ko kuch to gad-bad nazar aa rhi thi isliye vo chupkar vo uss ladki ko dekhne lga,thodi der tak intzaar karne ke baad usne dekha ki ek ladka uss ladki ke pass aaya jiske mooh par toliya lagi hui thi jiske karan uski aankho ko chhaudkar kuch bhi nhi dikh rha tha,vo uss ladki se kuch baat karne lga fir kuch samay baad ladki ne apne purse se paiso ki ek gaddi nikali aur uss ladke ko de di,fir vo ladka chala gya aur ladki bhi jane lagi.



Mohan ko lag rha tha ki kuch galat ho rha hai isliye vo uss ladki ke pass dubara gya aur usse pucha ki beti main tumhare pita ke smaan hoon agar kuch pareshani ho to mujhe btao aur vo ladka kon tha,tumne usse paise kyo diye,ladki ne palat ke jawab diya ki vo koi bhi ho aapko isse kya matlab aur aap mere lagte kya ho jo iss tarah se mujhse sawal kar rhe ho,agar aap yaha se nhi gaye to main shaur kar ke logo ko ikatta kar lungi aur aap par mujhe jhedne ka ilzaam lga dungi,isliye aap ke liye ye behtar hai ki aap mera picha na kare.


Ye baatein sunkar mohan ko bahut bura lga aur usne uss samay waha se jana hi behtar samjha,mohan ne apne ghar pahunch kar khana khaya aur fir sone chala gya.Bistar par lete-lete mohan ye soch rha tha ki vo ladki kuch chhipa rhi thi aur uske sath kuch galat ho rha tha fir mohan so gya.

Jab subha chai ke samay usne akhbaar padha ho vo achambhit ho gya aur uski aankho se aansu nikalne lage kyoki paper me uss ladki ka photo dekha jise usne road par dekha tha,uss ladki ne aatm-hatya kar li thi aur niche likha tha ki iss ladki ko ek ladka do saal se blackmail kar rha tha ,uss ladke ke pass ladki ki kuch ashleel photo thi,jinke dham par vo ladki se paise leta tha,ladki usse kaafi saare paise de chuki thi lekin vo din-pe-din aur jyada paise maangta tha,jisse pareshan ho kar ladki ne aatm-hatya kar li.
Ye padkar mohan ko bahut dukh hua usne soch kaash agar ladki ne usse kuch btaya hota to aaj uski maut na hoti.

Main har ladki se ye kahna chahta hoon ki agar aapko koi pareshani hai to please apne parents,bhai-bahno ya jaanti insaan ko kuch jaroor btayein aur facebook ya kishi social media sites par apne personal photo share na karein aur agar karna hai to privacy ke saath karein.  

 

Thanks for Reading Sad Story

No comments:
Write Comments

Books

Powered by Blogger.